«ឥទ្ធិពល ឬភាពទាក់ទាញនេះ គឺកើតចេញពីបទពិសោធន៍ជាច្រើន ខុសប្លែកគ្នា និងស្មុះស្មាន របស់មនុស្សម្នាក់ដែលបានធ្លងកាត់ ចំពោះបុរសដែលមានការឆ្លងកាត់ធម្មតា គ្មានបទពិសោធន៍នោះ ពុំអាចនិយាយបានថាជា បុរស ដែលមានឥទ្ធិពល ឬមានភាពទាក់ទាញក្នុងកែវភ្នែករបស់មនុស្សស្រីឡើយ…» ។
បុរសដែលស្ថិតក្នុងការតស៊ូ គឺមានភាពទាក់ទាញបំផុត
បុរសដែលគ្មានភាពជោគជ័យក្នុងជីវិត អាចចាត់ទុកថាជាមនុស្សគ្មានសមត្ថភាពទៅរ៉ាប់រងនូវសេចក្តីស្នេហាមួយបានឡើយ រឹតតែមិនអាចទទួលបន្ទុកគ្រួសារទៅទៀត បានតែនៅមើលទឹកមុខគេក្នុងការរស់នៅប៉ុណ្ណោះឯង… ។ ប៉ុន្តែបើមានភាពជោគជ័យជ្រុលហួសហេតុពេក ក៏ពុំអាចមានសេចក្តីសុខ ឬផ្តល់សេចក្តីសុខស្រួលបានល្អសម្រាប់នារីដែលនៅក្បែរខ្លួនបានដែរ ។ ដូចនេះ នារីៗគាត់ចូលបុរសដែលស្ថិតនៅកណ្តាលរវាងភាពជោគជ័យនេះ ត្បិតថាពុំទាន់ជោគជ័យក៏ពិតមែន ប៉ុន្តែភាពតស៊ូជំនះរាល់ឧបសគ្គ គឺគាត់មាន ហើយវាក៏ជាចំណុចមួយ ដែលមានឥទ្ធិពល និងជាការទាក់ទាញចំពោះនារីៗផងដែរ ។
បុរសដែលមានស្មារតីមោះមុត និងក្លាហានហ៊ានផ្សងនឹងគ្រោះថ្នាក់
បុរសដែលមានស្មារតីមោះមុតឆ្ពោះទៅមុខជានិច្ចដោយមិនចេះចុះចាញ់ឧបសគ្គ ការលំបាកនានា រួមទាំងការហ៊ានផ្សងនឹងគ្រោះថ្នាក់ទៀតផង ដើម្បីដើរឲ្យដល់គោលដៅរបស់ខ្លួន ។ ដោយយកការរត់ម៉ារ៉ាតុងជាឧទាហរណ៍ មិនថាយើងកំពុងរត់លើផ្លូវឆ្ងាយប្រវែងណានោះទេ ចំណាយពេលវេលាយូរយ៉ាងណាទេ ឲ្យតែរត់បញ្ចប់ដល់ទីរបស់វា គឺយើងនឹងទទួលបានជ័យជំនះមិនខាន ប៉ុន្តែចំពោះអ្នកបោះបង់ចោលកណ្តាលទី និងគ្មានស្មារតីមោះមុខរត់ដល់ទីបញ្ចប់នោះ គឺអ្នកបរាជ័យហើយ កុំថាឡើយអ្នកដែលមិនហ៊ានសាកល្បងរត់ទៀតនោះ ។ ដូច្នេះ នារីៗគ្រប់រួបតែងតែប្រាថ្នាចង់បានបុរស ដែលមានចិត្តមោះមុត និងក្លាហានដូចនេះ ដើម្បីកុំឲ្យគាត់ងាយនឹងបោះបង់នាងចោលនៅកណ្តាលទីនៅថ្ងៃណាមួយ ជាភាពទាក់ទាញមួកក្នុងភ្នែកនារីៗផងដែរ ។
ភាពទាក់ទាញរបស់បុរសក៏កើតចេញពីកែវភ្នែករបស់នារីផងដែរ
បច្ចុប្បន្ននេះយើងរាល់គ្នាក៏នឹងជួបប្រទះនូវមតិមួយលើកឡើងថា៖ «បុរសៗមុនរៀបការមើលទៅជាបុរសដែលមាន ឥទ្ធិពល និងភាពទាក់ទាញម្នាក់ ប៉ុន្តែក្រោយរៀបការរួចបែរជាមើលទៅគ្មានភាពទាក់ទាញអ្វីសោះក្នុងកែរភ្នែករបស់នារីដែលជាភរិយារបស់គាត់…» ។ និយាយជាទូទៅ បុរសនៅខាងក្រៅធ្វើការងារ មើលទៅពិតជាមានឥទ្ធិពល និងភាពទាក់ទាញណាស់ ប៉ុន្តែដល់ពេលដែលទៅដល់ក្នុងផ្ទះវិញក៏បែរជាធម្មតាគ្មានអ្វីអស្ចារ្យទៅវិញ ។ តាមពិតទៅបុរសៗគ្រប់គឺធម្មតាទេ គ្រាន់តែមុនរៀបការនារីនោះ គាត់អាចមើលឃើញគាត់ល្អជាងគេ ពិសេសជាងគេ និងអស្ចារ្យជាងគេ ទើបព្រមរៀបការជាមួយ ហើយក្រោយរៀបការរួចអាចនឹងគិតមកធម្មតាវិញមិនខាន ដូច្នេះភាពទាក់ទាញរបស់បុរសក៏កើតចេញពីកែវភ្នែករបស់នារីផងដែរ បើនារីយើងនៅបន្តមើលឃើញថាគាត់ល្អ ហើយកាន់តែល្អទើប ពិតជាយល់ថាខ្លួនពិតជាមានសុភមង្គលជាងគេមិនខាន ផ្ទុយមកវិញ បើយើងយល់ថាគាត់មិនល្អ នោះពិតជាមានការលំបាកសម្រាប់ខ្លួនក្នុងជីវិតស្នេហានេះនៅថ្ងៃមុខទៅ ។
ឥទ្ធិពលរបស់បុរស គឺមានសមត្ថភាពគ្រប់គ្រងសម្ពាធនៃជីវិត
ព្រោះថាសព្វនេះ សម្ពាធ ឬភាពតានតឹងនៃជីវភាព ឬការរស់នៅ ពីមួយថ្ងៃកាន់តែខ្លាំងជាងមួយថ្ងៃហើយ ប្រសិនបើបុរសម្នាក់ គាត់សូម្បីតែភាពតានតឹងក្នុងខ្លួនគាត់ ក្នុងជិវភាពរស់នៅរបស់គាត់ គាត់មិនអាចគ្រប់គ្រងបានផង តើគាត់ធ្វើយ៉ាងណាឲ្យមានតុល្យភាពក្នុងជីវិតបានល្អទៅ? លំនឹងនៃផ្លូវចិត្ត លំនឹងនៃការងារ និងលំនឹងនៃជីវភាព គឺមានការពាក់ព័ន្ទគ្នា បើផ្លូវចិត្តគាត់មិនល្អ អាចធ្វើឲ្យការនិយាយ និងឥរិយារបស់គាត់ប៉ះពាល់ដល់ការងារ ក៏ដូចជាការរស់នៅដែរ ដូច្នេះភាពទាក់ទាញ់របស់គាត់ក៏បាត់បង់ទៅតាមហ្នឹងផងដែរ ។
