នាពេលល្ងាចក្នុងថ្ងៃមួយនៃចុងសប្តាហ៍ មានតា និងយាយពីរនាក់បានបបួលគ្នានាំចៅតូចរបស់ខ្លួនដែលមានអាយុទើបពីរខួបជាងទៅដើរហាត់ប្រាណកម្សាន្តតាមទីសួនច្បារសាធារណៈ រួចក៏បានដើរបណ្តើរគ្នា និងនាំចៅតូចនោះមកដល់ឯមាត់ទន្លេមានគេរាំហាត់ប្រាណ ។ នៅពេលនោះមេឃក៏ចាប់ផ្តើមងងឹតបន្តិចៗទៅ ព្រោះជិតយប់ហើយ ។ បន្ទាប់ស្រាប់តែចាប់ផ្តើមខ្យល់ត្រជាក់ ហើយខ្យល់នោះក៏ចាប់ផ្តើមខ្លាំងទៅៗ អាកាសធាតុក៏ចាប់ផ្តើមដូចជាត្រជាក់ទៅៗតិចៗដែរ ។ លោកយាយក៏ចាប់កាន់ដៃចៅរបស់គាត់ ហើយឱប និងសួរទៅកាន់ចៅតូចនោះថា៖ «ចៅសម្លាញ់យាយ! តើចៅរងាអត់?» ។ ចៅគាត់ក៏ឆ្លើតថា៖ «បាទយាយ!» ។ យាយឮភ្លាមដូចជាភ័យណាស់ព្រោះអត់បានយកអាវក្រៅទុកឲ្យចៅដណ្តប់ក៏ប្រាប់ទៅតា៖ «ណែ៎តា! ធ្វើម៉េចទៅចៅយើងវារងាណាស់ហើយមើលទៅ…តា…» ។ លោកតាហើយនៅតែធ្វើធម្មតាហាក់ដូចជាគ្មានរឿងអ្វីកើតឡើងចឹង ប្រាប់លោកថាកុំទៅបារម្ភចៅគាត់មិនអីទេ ហើយលោកតាក៏សួរទៅកាន់ចៅឲ្យយាយស្តាប់ម្តងថា៖ «ចៅសម្លាញ់តា! តើចៅក្តៅស្អុះណាស់មែនទេចៅ?» ។ ចៅតូចនោះក៏ឆ្លើយទៅលោកតាថា៖ «បាទតា!» ។ «ឃើញអត់យាយ…»
