តាផាន់គាត់កាន់តែមានវ័យចំណាស់ទៅៗហើយ គាត់ចេះតែគិតថាត្រចៀករបស់គាត់ប្រហែលជាមានបញ្ហាស្តាប់មិនសូវបានដូចគេឯងធម្មតានោះទេ។ ដូចនេះគាត់ក៏សម្រេចចិត្តទៅរកគ្រូពេទ្យដើម្បីធ្វើការព្យាបាលតែម្តង ។
«លោកគ្រូពេទ្យ! ត្រចៀកខ្ញុំពីមួយថ្ងៃទៅមួយថ្ងៃកាន់តែមិនបានស្តាប់គេឯងទៅហើយ កាន់តែខ្សោយទៅៗហើយ សូម្បីតែផោមខ្លួនឯងក៏ស្តាប់លែងលឺទៅហើយដែរ លោកគ្រូពេទ្យ! តើត្រចៀករបស់ខ្ញុំយ៉ាងម៉េចទៅហើយ ឆាប់ប្រាប់ខ្ញុំមក!!» គាត់ក៏សួរទៅកាន់លោកគ្រូពេទ្យ ។
លោកគ្រូពេទ្យក៏ឆ្លើយតបទៅគាត់វិញថា៖ «បើអញ្ចឹងញ៉ាំថ្នាំពីរបីថ្ងៃសាកមើលសិនទៅ ក្រែងលបានធូរស្បើយខ្លះណាលោកអ៊ុំ!!»
តាផាន់ក៏សួរតទៀតថា៖ «ពិតជាមានប្រសិទ្ធិភាពពិតប្រាកដមែនឬក៏អី? លោកគ្រូពេទ្យ?»
លោកគ្រូពេទ្យក៏ឆ្លើយតបទៅគាត់វិញទៀតថា៖ «បើពុំនោះសោកខ្ញុំក៏អស់បធ្យោបាយហើយអញ្ចឹងនោះ មានតែសុំឲ្យអ៊ុំប្រុសមេត្តាផោមឲ្យលឺជាងនេះបន្តិចទៅអញ្ចឹង…»
