មីងស្រស់ជាអ្នកស្រុកនៅតាមទីជនបទម្នាក់ គាត់មានកូនស្រីទៅធ្វើការនៅឯទីក្រុង ។ មានថ្ងៃមួយនោះ មីងស្រស់គាត់នឹកកូនស្រីរបស់គាត់ខ្លាំងពេក ក៏ទៅឯផ្សាររកមើលកន្លែង ដែលអាចប្រើទូរស័ព្ទដើម្បីទាក់ទងទៅនិយាយលេងជាមួយនិងកូនស្រីគាត់បាន។ គាត់ក៏បានមកដល់កន្លែងទូរស័ព្ទសាធារណៈមួយនៅជិតផ្សារ …
មីងស្រស់៖ តើអ្នកគិតលុយយ៉ាងម៉េចដែរ? ខ្ញុំចង់តេទូរស័ព្ទទៅលេងកូនស្រីរបស់ខ្ញុំដែលទៅធ្វើការនៅឯទីក្រុងនោះ!
ម្នាស់ទូរស័ព្ទ៖ មីងតេទៅ បើតេមិនជួបកូនមីងទេ (តេមិនចូល) ខ្ញុំមិនយកលុយទេណាមីង! មីងហៅលេខមកចាំខ្ញុំចុចឲ្យ!
មីងស្រស់៖ សូន្យដប់ពីរ ពីរម្តងពីរ ពីរៗដងបួន (០១២ ២១២ ២២៤)…
ម្នាស់ទូរស័ព្ទ៖ ណែមីងចូលហើយ តិចទៀតគេលើកនិយាយហើយ មីងចាំស្តាំហើយនិយាយជាមួយកូនស្រីមីងទៅណា!
មីងស្រស់៖ ចាស់! អាឡូ កូនស្រី! (មីងស្រស់មិនបានជួបកូនស្រីទេ បែរជានិយាយជាមួយនិងមិត្តប្រុសរបស់កូនស្រីគាត់ទៅវិញ ហើយនិយាយគ្នាយ៉ាងយូរអស់ជាងកន្លះម៉ោងទៅទៀត…) …។
ម្នាស់ទូរស័ព្ទ៖ មីងអស់កន្លះម៉ោងជាងហើយ (យកម៉ាស៊ីនគិតលេខមកគិតលុយ) … មីងទាំងអស់អស់១២០០០រៀល!
មីងស្រស់៖ ហាស់?! អីគិតលុយដែរ? ក្រែងថាទាល់តែបានជួបកូនស្រីខ្ញុំបានយកលុយអី? ខ្ញុំនិយាយជាមួយនិងសង្សារវាហ្នឹង?
